एक कवी; एक कविता : इरफान शेख, चंद्रपूर

📌


एक कवी ; एक कविता : कवी - इरफान शेख, चंद्रपूर

      पुस्तक दिनाच्या निमित्ताने आपण सर्वांनी भरपूर वाचन केलं. पुस्तकांची श्रीमंती हीच एका कवीची खरी श्रीमंती.
      पुस्तक आणि कवी यांच्यामधलं नातं सांगणारी चंद्रपूरचा कवीमित्र इरफान शेख याची ही कविता काल वाचली, आणि वाटलं, यानिमित्ताने या कवितेचं इंग्रजी भाषांतर का करू नये? अनेक पुरस्कारप्राप्त काव्यसंग्रहातील, जगभर पोहोचावी अशी ही सुंदर कविता तुमच्याशीही नक्कीच दोन शब्द बोलेल,शिवाय कवीने कुठल्या उंचीचं लिहावं याबद्दलही हितगुज करेल.

काव्यसंग्रह-
माझ्यातला कवी मरत चाललाय...

कवी - इरफान शेख, चंद्रपूर

इंग्रजी रूपांतर - प्रा. राज शेळके, नाशिक

कपाटात बंद पुस्तके पाहतात काचेआडून...

कपाटात बंद पुस्तके पाहतात काचेआडून मला
जेव्हा मी घेतो वाचायला एखादे पुस्तक हातात
 तेव्हा ती पडतात भडाभडा खाली कपाटातून
बंदिस्त दुःखाने सांडावे मोकळेपणाने तशीच...

मी वाचावे त्यांना म्हणून बघतात ती आशेने
पडतात एकमेकांच्या उरावर माझी जावी नजर म्हणून
माझ्या नजरेखालून जावा अक्षरांचा थवा उडत
त्यासाठी मोकळे करतात ही पुस्तके आभाळ पानांचे...

याच पुस्तकांनी लावला जीव माझ्या धगधगत्या आयुष्यात
म्हणूनच मी जिंकू शकलो लढाई जगण्याच्या समरभूमीत
मी ऐकतो कधी कधी अर्ध्या रात्री कपाटातून येणारे हुंदके
फडफडणारी पाने जेव्हा हिरमुसतात, स्फुंदत अन रडतात...

मीही नाही राहिलो मात्र त्यांच्याशी कृतघ्न कधी
जिथे जिथे दिसली तिथून आणली मी बोट धरून यांना
आता मातृत्वाच्या नजरेने पुस्तकांनीच धरलं आहे माझं बोट
 हे न जाणण्याइतपत नाही होऊ शकत मी बेईमान...

रणरणत्या उन्हात याच पुस्तकांनी धरली डोक्यावर सावली
वेदनेवर असहायतेच्या घातली फुंकर माझ्या सदाच
बहरून आणलं माझं जगणं अनुभवाच्या फळाफुलांनी
परसदार केलं हिरवंगार याच पुस्तकांमधल्या अक्षरांच्या वेलींनी...

माझ्या खांद्यावर असणाऱ्या मुलालाही दाखवावी दिशा पुस्तकांनी
बापाच्या कणखर इराद्याने सांभाळावं मी नसताना आसपास त्याच्या
मायेच्या ओलभरल्या शब्दानी गोंजारावे माझ्या येणाऱ्या पिढीला
पुस्तकांना एवढेच मागत असतो दान मी माझ्या झोळीत!

-

■

Anthology -
The poet in me is dying ...

Poet-
Irfan Shaikh, Chandrapur.

Transcreation -
Prof.Raj Shelke, Nashik


Books locked in cupboards, look through the glass...

Books locked in cupboards,
Look at me through the glass
When I take a book to read,
They fall out of the cupboard
As if the closed grief feeling free to pour out...

They look up with hopeful eyes,
So I can read them
They fall on each other's chests to catch my eye
They open the heavens of pages
So that the flock of letters can fly through my sight,

These books brought me to life in my fiery life
That’s why I was able to win
The battle on the battlefield of survival
I sometimes hear hoots
Coming out of the closet In the middle of the night
When the fluttering pages
Lose their hearts, sob and cry ...

I,too never have been ungrateful to them
Wherever they appeared, I grabbed their finger
And brought them home
Now books are holding my finger
 With a motherly sight
Unbeknownst to it, I can't be dishonest ...

These very books cast
A shadow over my head
In the scorching sun
They always blew on the pain of my helplessness 
They brought my life to fruition
With the fruits of experience
The vines of the letters in these books
Made my backyard green

I hope books will
guide the child
Sitting on my shoulder 
When I am not around, They should take care of him
With the firm intention of a father
They should fondle my coming generation
With mother's warm loving words...

That's all I ask for books In my bag  !

-


✒️
rajshelkesir@gmail.com