📌
लोक करतिल काम अन् मरतीलही
फक्त येउन श्रेय ते लाटा तुम्ही!
◾
एकदाचा काढला काटा तुम्ही
चांगल्याच्या रोखल्या वाटा तुम्ही
चूक होती कस्पटाइतकीच पण
गावभर केलात बोभाटा तुम्ही!
सर्व खोटे एक झाले शेवटी
आणि केला न्याय उफराटा तुम्ही!
काल होती मस्तशी किलबिल इथे
आणला कोठून सन्नाटा तुम्ही?
खायच्या वांद्यात होता कालवर
आज अंबानी तुम्ही... टाटा तुम्ही!
लोक करतिल काम अन् मरतीलही
फक्त येउन श्रेय ते लाटा तुम्ही!
- राजेश्वर पांडुरंग शेळके, नाशिक
9423542224
