◾
कुण्या काळचे जुनेच भांडण
कुरतडणारी कडू आठवण
उगाच छळणारे काही क्षण
विसरून थोडे जाऊ
चल, जगून थोडे घेऊ...
कोण बरोबर? कोण चुकीचा ?
सोबत फिरतो प्रश्न कधीचा
अडवून धरतो रस्ता पुढचा
प्रश्नच सोडून देऊ
चल, जगून थोडे घेऊ...
लहान-मोठे ठरवायाला
कोण रिकामा ? वेळ कुणाला?
हजार कामे ज्याला त्याला
रस्ता बदलून घेऊ
चल, जगून थोडे घेऊ...
आयुष्य म्हणजे मैफिल सुंदर
तयात मिसळू आपलाही स्वर
अवचित एखाद्या वळणावर
पुन्हा जवळचे होऊ
चल, जगून थोडे घेऊ...!
-
राजेश्वर पांडुरंग शेळके, नाशिक
9423542224
No comments:
Post a Comment