■
पाहिजे जे जे तुला, घेऊन जा
फक्त आशेचा दिवा ठेवून जा
ही महामारी नव्हे; ही अवदसा
जा बये, दुनियेस गुंडाळून जा
तू म्हणे असतोस पाठीशी सदा
ये असा, डोळ्यांपुढे... भेटून जा!
आपल्यामधली दरी मिटली कुठे?
ठेव अंतर; फक्त सांभाळून जा
एवढा जर हक्क आहे ना तुझा
तू उभे केलेस... तू पाडून जा
द्यायचे असलेच जर काही मला
चेहऱ्यावरचे हसू देऊन जा
स्वैर तू आहेस मी म्हटले कुठे?
ये उशीरा, पण घरी सांगून जा!
जा कुठेही, पण घरी सांगून जा!
-राज शेळके, नाशिक
profrajshelke.blogspot.com
9423542224
No comments:
Post a Comment