■
देशभक्तीचा नव्याने रोकडा व्यवहार आहे
लूट ज्याला मान्य नाही तो नवा गद्दार आहे
ही तुझ्या रक्तातली खळबळ अशी दावू नको
चळवळीला दाबणारा नेमका सरदार आहे!
या दिशेला येत नाही तो सुगंधी मंद वारा
या दिशेला नेमके पडक्या घराचे दार आहे
माणसांना राहिला ना दौलतीचा सोस काही
जीव झाला प्रिय केवळ, बाकी सब भंगार आहे!
भेटल्याने कर्जमाफी मोकळा झाला गळा
सावकाराच्या घराला कोण ठोठवणार आहे?
कोणत्या जातीतला आहे तपासा नाव आधी
काय त्याला द्यायचे ते त्यावरी ठरणार आहे!
-राजेश्वर शेळके, नाशिक
9423542224
No comments:
Post a Comment