◾
*पावसाने एवढे तर साधले आहे*
पावसाने एवढे तर साधले आहे
एक घर जगवून दुसरे पाडले आहे
मोजक्या धारा कुणाला चालल्या नसत्या?
पण ढगांनी हे खुबीने टाळले आहे!
एक छप्पर पावसाने चिंब भिजलेले
दूर दुसरे वाट पाहुन त्रासले आहे
कोरड्या शेतांत नाही थेंबभर पडला
ऐकतो... शहरांत पाणी साचले आहे!
चांदण्यांची पालखी होती, कुठे गेली?
की पुरे आभाळ खाली सांडले आहे?
मायबापा पावसा इतकेच कर आता
जा, जिथे जाणे कधीचे थांबले आहे
राजेश्वर शेळके,नाशिक
9423542224
No comments:
Post a Comment