झाल्या चुका कुणाच्या रागावले कुणी
कोणी निघून गेले... रेंगाळले कुणी!
होते कटात सामिल...घरचे बरेच पण
कोणी कबूल केले...फेटाळले कुणी!
वेळेनुसार झाले सत्कार हे असे
लाथाडले कुणी तर...कवटाळले कुणी!
होते बरेच अंतर चालायचे अजुन
कोणी थकून गेले...संथावले कुणी
गेले कळून अंती रुग्णास सत्य हे
कोणास दुःख आहे...कंटाळले कुणी
गझले तुझ्यामुळे ही झाली दशा कशी
कोणी उजाड झाले...नादावले कुणी!
-राज शेळके, नाशिक
9423542224
No comments:
Post a Comment