▪️
गुढी ज्ञानाची लावलीज्ञान सावराया आले
केली आनंद पताका
सुख घरी स्थिरावले!
गडू तमाचा पालथा
वर टांगला गुढीला
कडूनिंबाचा मोहर
दिला खबरदारीला!
गंध कपाळीचा धनी
शुभ मंगलाची खूण
एक साखर मोहर
कडू-गोड आठवण!
नवे वस्त्र लेऊनिया
करा कार्याचा आरंभ
हार-कडे; उदबत्ती
जणू कष्टाला सुगंध!
दिला प्रयत्नाचा टेकू
गुढी उंच चढवली
फडफडली पताका
चारी दिशांत घुमली!
असा सुखाचा पाडवा
देवा येवो घरोघरी
लक्षुमीच्या पावलांनी
होवो गरिबी साजरी!
-राजेश्वर पांडुरंग शेळके, नाशिक
9423542224
No comments:
Post a Comment