गझल । बरी नव्हे

■


घरातल्या घरात ही कुचाळकी बरी नव्हे
घरास मीच पोसते! फुशारकी  बरी नव्हे

जशी मला तशी तुला गरज सदैव राहिली
'नकोच तू' अशी जिव्हा प्रचारकी बरी नव्हे

घरात चार माणसे इथे कुणी न पाहुणा
तरी उगाच ही मनात भावकी बरी नव्हे

तुझे नशीब चांगले म्हणून ही तुला मुभा
नव्या घरात ही नवी हुशारकी बरी नव्हे

मरेपर्यंत जर इथेच नांदणे असेल तर
विघातकी नजर कुटील बेरकी बरी नव्हे

जिथे तिथे तुलाच मान पाहिजे, खुशाल घे
परंतु लायकीविना पुढारकी बरी नव्हे!


( _वृत्त- कलिंदनंदिनी_ )


rajshelkesir@gmail.com