राबतो इतका घरासाठी पुरुष
मग कुठे उरतो स्वतःसाठी पुरुष
वेदना त्याची कधी कळते कुणा
फक्त आठवतो सुखासाठी पुरुष!
भाकरीशी झुंजतो सारा दिवस
घास बनतो लेकरासाठी पुरुष
तो सुरक्षित राहतो निश्चिन्त ही
भिंत ठरतो ज्या कुणासाठी पुरुष
देव जेव्हा देवपण नाकारतो
देव ठरतो माणसासाठी पुरुष
संकटांचे सैन्य जेव्हा घेरते
जीव देतो जिंकण्यासाठी पुरुष
राज शेळके, नाशिक
9423542224
No comments:
Post a Comment