पुरुष

■

राबतो इतका घरासाठी पुरुष

मग कुठे उरतो स्वतःसाठी पुरुष

वेदना त्याची कधी कळते कुणा

फक्त आठवतो सुखासाठी पुरुष!

भाकरीशी झुंजतो सारा दिवस

घास बनतो लेकरासाठी पुरुष

तो सुरक्षित राहतो निश्चिन्त ही

भिंत ठरतो ज्या कुणासाठी पुरुष

देव जेव्हा देवपण नाकारतो

देव ठरतो माणसासाठी पुरुष

संकटांचे सैन्य जेव्हा घेरते

जीव देतो जिंकण्यासाठी पुरुष

राज शेळके, नाशिक

9423542224

माणसे दुखवायची नसतात म्हटले ते...

●

माणसे दुखवायची नसतात म्हटले ते

आणि वर छद्मीपणाने खास हसले ते

हाक जेव्हा मारली, तेव्हा कुणी नव्हते

आज त्यांचे काम अडले, अन प्रकटले ते!

ठेवली आधी नजर, ठरवून माझ्यावर

बैठका जमवून मग चघळीत बसले ते

ते कुठे गेले जयांना मी नको होतो?

की मला पाहून येथेही...निसटले ते?

दूरवर येणार होते सोबती माझ्या

चार कोसांवर थबकले, हाय थकले ते!

पांघरुण एका चुकीवर घालण्यासाठी

कैकदा केल्या चुका...मुद्दाम चुकले ते

फेकला ज्यांनी चिखल सर्रास दुनियेवर

आज त्यांची वेळ आली...फार चिडले ते!

-राजेश्वर शेळके

9423542224

व्यथा चालून थकली

●

व्यथा चालून थकली शेवटी, माझ्याबरोबर

तिला पाहून हसले, जीर्ण झालेले कलेवर

तसा मी वर्ज्य होतो... मैफिलीबाहेर अगदी

तरी पडलीच टाळी... तान येताना समेवर

उगीचच हिंडलो मी गावभर वेड्याप्रमाणे

घरी माझ्याच होते शोधले मी जे घरोघर

खऱ्याचा कानही ऐकून खोटे तृप्त झाला

म्हणाला, त्रास होतो सत्य कोणी बोलले तर!

तुला देईन भिक्षा पाहिजे तितकी परंतू

पुन्हा आणायचे नाही कुणी बालक कडेवर

तुझ्यामागे घराचा व्याप आहे,मान्य आहे

तरीही बैस थोडे, जग स्वतःसाठी घडीभर

-राजेश्वर शेळके, नाशिक

9423542224

Practise Grammar.

*Practice Time*

31/12/2020

*Choose the correct alternative.*

1. Why ( are/am ) you selling these Bananas? 

2. Where( is/are ) he going for shopping?

 3. Who (were/ was ) the person guiding you?

 4. When ( are/ is ) your father going for office?

5.  Where (were/ was  ) your friend staying those days?

6. How ( were/ was ) you doing this?

7.  In what condition ( was/ were ) he walking along the road?

8.  Whose shoes ( was/were ) your friends  stealing?

9.  Why( do/ does ) you call me stupid?

10. Where ( do/does) your sister work? 

11. When ( do/does) we celebrate the Independence Day?

12.  How (does /did ) you come to know about this?

13.  Where ( do/did ) he keep his secret bag?

14. Who( have/ has ) complained against you?

15.  When( has/ have )you started for the journey?

16.  Why ( have/ has )my father scolded you?

17. When ( had/ has ) you taken my permission?

✒️

Prof. Raj Shelke, Nashik

9423542224

HTTPS//:profrajshelke.blogspot.com

घाबरू नकोस

*घाबरू नकोस...*

अचकट विचकट चेहरा करून
संकट जेव्हा धावून येईल,
धास्तावलेला चेहरा तुझा
निस्तेज होईल, सुकून जाईल...

तारेवरची कसरत तुझ्या
जीवावरती बेतून जाईल
हातामधली आधारकाठी
अर्ध्यावरतीच तुटून जाईल...

रात्रंदिवस विचार करशील,
मन-मेंदू जड होईल...
मनगटाच्या बळालाही
अशक्ताची कड येईल...

सगळी ताकद लावशील,
तरीही हाती फक्त शून्य राहील
कुठे चुकलं कळणार नाही,
मस्तक एकदम सुन्न होईल...

अपमानाचे बोल सोसून
जिणे जेव्हा हराम होईल,
बेईमानीच्या हाताखाली
इमान तुझं गुलाम राहील...

परिस्थितीच्या रेट्यापुढे
डोळ्यात पाणी भरून येईल,
भांबावलेलं रानपाखरू
पाण्यासाठी झुरून जाईल...

लहानसहान गोष्टींमध्येही
अपयश तुला खेटून जाईल,
'सूड घेईन...' म्हणून जेव्हा
खवळेल मन, पेटून जाईल...

तेव्हा,
घाबरू नकोस,
शांत हो!
ती वेळही निघून जाईल...!!

अंधाराला दचकू नकोस,
काळ का हा असाच राहील?
आकाशातली वीज बन,
सूर्यही मग तुझाच होईल...!

पुन्हा नव्याने सुरुवात कर,
विसर गेलेला काळ...
पुन्हा पेटू दे काळजामधला
विझत चाललेला जाळ...

भेकडासारखं रडून कुठे
मोठं होता येतं का?
पंख आखडते घेऊन
आभाळ कवेत घेता येतं का?

विचारपूर्वक निर्णय घे,
मग मांड पटावर डाव
भविष्याच्या ताम्रपटावर
झळकव तुझेच नाव...!

कोणीतरी तुझ्या पाठीशी
भक्कम आहे, विश्वास ठेव
डोळे मिट, दिसेल तुला
तुझ्या देव्हाऱ्यातला देव...

एक कर पण...

एक कर पण, धीर धर
हास जरासा...बघ वर...

डोळ्यांमधल्या आसवांना जमण्याआधीच पुसून टाक,
परिस्थितीशी लढण्यासाठी
मर्दासारखा उभा ठाक!

*एवढं सगळं करतानाही*
*सांभाळून रहा...तोल जाईल!*
*घाबरू नकोस पण,शांत हो!!*
*अरे, ती वेळही निघून जाईल !!*

✒️
*प्रा. राजेश्वर (राज) शेळके, नाशिक*
*सुसंवाद:94235 42224*

दुनिया

■

दुःखाचे गाठोडे पेलत जगते दुनिया

तरी हासते किती बहाणे करते दुनिया

कुठे जराशी जागा मिळता टेकायाला

हळूच ओझे हलके थोडे करते दुनिया

तोल तिचाही हजार वेळा ढळतो येथे

सावध होते, पुन्हा पुन्हा सावरते दुनिया

तिच्या मनाच्या खोल तळाचा हा गाभारा 

रोज नव्या स्वप्नांना येथे पुरते दुनिया 

जमेल तितके सांगत असते तुला मला ही 

सोबत घेउन बरेच काही मरते दुनिया 

कधी कुणाला उचलून घेते खांदयावरती 

कधी कुणाच्या सरणावरती चरते दुनिया 

तुला वाटते तितकी दुनिया सोपी नाही

लाखामधल्या एखादयाला कळते दुनिया!

-राजेश्वर शेळके

नाशिक

9423542224

एक कप्पा शेवटी

खूप झाली कौतुके आनंदही झाला जरी
एक कप्पा शेवटी दुखराच त्याचा राहिला!
- _राजेश्वर शेळके,नाशिक_
_9423542224_